Махфийлик сиёсати

Дастлабки матн — юрист кўриб чиққунга қадар амал қилади.

1. Қандай маълумот йиғамиз

• Ҳисоб: исм, email, Google ёки Телеграм идентификатори, шаҳар (ихтиёрий).
• Брон: телефон рақами, жой эгасига изоҳ, брон тарихи, шарҳлар ва расмлар.
• Тўлов: сумма ва тўлов ҳолати. Карта рақамини Payme ёки Click қабул қилади — биз сақламаймиз.
• Жой эгалари: бизнес реквизитлари, рўйхатдан ўтиш ва манзил ҳужжатлари, тўлов учун карта ёки ҳисоб рақами (шифрланган ҳолда).
• Техник: IP манзил, браузер, кириш сессиялари; жой саҳифаларини кўришлар сони (аноним).

2. Нима учун ишлатамиз

• Брон қилиш, тўловни қабул қилиш ва қайтариш, жой эгасига пул ўтказиш.
• Билдиришномалар: брон тасдиғи ва эслатмалар (Телеграм ва браузер орқали, созламаларда ўчириш мумкин).
• Низоларни кўриб чиқиш, фирибгарликка қарши кураш, қонун талабларини бажариш.

3. Кимга берамиз

• Жой эгаси: исмингиз ва телефонингиз — фақат бронни бажариш учун.
• Payme / Click: тўлов ва қайтариш учун.
• Қонунда назарда тутилган ҳолларда — ваколатли давлат органларига.

Маълумотларингизни сотмаймиз ва реклама учун бермаймиз.

4. Қаерда ва қанча сақлаймиз

Маълумотларни сақлаш жойи ва муддатлари юрист билан келишилмоқда (Ўзбекистон Республикасининг «Шахсга доир маълумотлар тўғрисида»ги қонуни). Бизнес ёпилганда ҳужжатлар 30 кун ичида ўчирилади.

5. Сизнинг ҳуқуқларингиз

• Профил саҳифасида маълумотларингизни кўриш ва ўзгартириш.
• Кириш сессияларини кўриш ва тугатиш.
• Ҳисобни ўчириш (профил саҳифасида).
• Билдиришномаларни ўчириш.

6. Хавфсизлик

Пароллар хешланган ҳолда, тўлов реквизитлари шифрланган ҳолда сақланади. Администратор ҳаракатлари аудит журналига ёзилади.

7. Алоқа

Саволлар бўлса — Телеграм орқали ёзинг (одам 09:00–21:00 да жавоб беради).